blak.is

Helgina 13. og 14. nóvember stendur blakdeild Dímonar fyrir opnum æfingabúðum fyrir blakara í Íþróttamiðstöðinni á Hvolsvelli. Blakdeildin hefur fengið til liðs við sig þjálfarana Jón Ólaf Valdimarsson og Subaru Takenaka frá Japan til þess að skipuleggja æfingabúðirnar og stjórna æfingum alla helgina.

Æfingabúðirnar hefjast klukkan 10:00 laugardaginn 13. nóv  og standa æfingar með hléum til klukkan 18:30.  Á sunnudeginum hefjum við svo leikinn aftur kl. 10:00 að morgni æfum fram eftir degi og  sláum svo upp móti í lokin. 

Gjald fyrir alla helgina er kr. 3000.-   Innifalið í gjaldinu er þjálfunin, keppnin , sundferðir, léttur hádegisverður báða dagana  og að sjálfsögðu kaffi eins og hver vill.  Hægt er að taka þátt annan daginn og kostar það kr. 2000.-  Hámarksfjöldi þátttakenda báða dagana er 40 manns.

Æfingabúðirnar eru opnar fyrir alla þá sem stunda blak, konur og karla og hafa áhuga á að auka færni sína í íþróttinni. Aldurstakmark 16 ár.  Markmiðið er að eiga saman skemmtilega helgi þar sem hver og einn mætir á sínum forsendum.  Þjálfarar munu sjá til þess að allir fái æfingar við sitt hæfi. 

Nánari upplýsingar og skráning hjá Halldóru í síma 487-8384, 868-6895 eða  halldmag@ismennt.is  og hjá Maríu Rósu  síma – 487-8694, 865-3694 eða ssguos@itn.is
Síðasti skráningardagur miðvikudagur 10. nóvember kl.24:00.

Látið ekki frábært tækifæri fram hjá ykkur fara.  Sjáumst hress á Hvolsvelli.

Með blakkveðjum

Blakdeild Dímonar.