blak.is

Sælir ágætu öldungar.


Meðfylgjandi er breytt reglugerð fyrir öldungamót BLÍ. Á síðasta öldungaþingi var skipuð nefnd til að vinna að nauðsynlegum breytingum á reglugerðinni. Nefndina skipuðu Vilborg Guðmundsdóttir,  Björgólfur Jóhannsson og Stefán Jóhannesson sem kjörinn var formaður nefndarinnar.  Eins og öllum ætti að vera kunnugt var reglugerðin komin í sjálfheldu - eða eins og sagði í reglugerðinni:" Til breytinga á reglugerð þessari skulu minnst ¾ þeirra liða sem rétt hafa til þingsetu vera til staðar við atkvæðagreiðslu".  Reynsla undanfarinna ára hefur sýnt að mæting á öldungaþing hefur ekki verið nálægt þessu marki. Í fyrra var nokkuð góð mæting en var þó aðeins mætt fyrir um 40% atkvæða. Það var því ljóst að öldungaþing gæti aldrei breytt reglugerðinni þrátt fyrir góðan vilja til þess.  Til að komast úr þessari sjálfheldu lagði nefndin fram breytingar á reglugerðinni á síðasta árþingi BLÍ en að okkar mati var það eina færa leiðin til að koma þessum breytingum í gegn. Undirritaður mælti fyrir breytingunum og voru þær samþykktar á þinginu. Þessar breytingar eiga að endurspegla vilja síðast öldungaþings og minni ég ykkur á þær umræður sem þar fóru fram. Einnig bendi ég að lesa má um málið í þinggerð 31. ársþings BLÍ sem birtist sem frétt á heimasíðu BLÍ þann 16. júlí sl. Ef þig hafið eitthvað við málið að athuga vinsamlegast hafið samband við undirritaðan með því að senda póst á netfangið stefan@thekking.is 

f.h. nefndarinnar

Stefán Jóhannesson
blakdeild KA

http://www.blak.is/frettir/attachments/Regluger%F0_um%20_ldungam%F3t%20BL%CD_breytt2.pdf