blak.is

30. Öldungamót BLÍ verður haldið á Akureyri 21. til 23. apríl 2005

Akureyri 10. janúar 2005.

 

Ágætu blaköldungar,

Fyrir hönd Blakdeildar KA á Akureyri boða ég hér með til 30. Öldungamóts BLÍ á Akureyri 21. – 23. apríl 2005. Sumardagurinn fyrsti er 21. apríl og lokahófið verður þann 23. apríl sem er laugardagur.

Töluverð umræða hefur farið fram um tímasetningu mótsins undanfarinn mánuð og eftir verulega yfirlegu höfum við ákveðið að halda okkur við upphaflega dagsetningu mótsins.

Mótið er opið öllum félögum og hópum sem uppfylla 2. grein í fyrsta kafla reglugerðar um Öldungamót BLÍ.  Leikið verður í íþróttahúsi KA, þar sem eru 3 vellir, íþróttahúsi Síðuskóla en þar eru 4 vellir og Íþróttahöllinni ef á þarf að halda, en þar eru 3 vellir.

Ég vil hvetja alla sem ætla sér að sækja mótið að tryggja sér gistingu sem fyrst.  Mjög margt fólk verður á Akureyri þessa daga til viðbótar blakfólki þar sem Andrésar Andar leikarnir verða haldnir í Hlíðarfjalli á sama tíma.

Ákveðið hefur verið að lokadagur skráningar til þátttöku í mótinu verði 10. apríl.

Ég við biðja alla sem fá þennan póst að tryggja að hann berist forsvarsmönnum liða sinna og jafnframt að ef um röng netföng er að ræða að hin réttu komist til okkar sem að mótinu stöndum til að tryggja sem best að allir fái upplýsingar sem við sendum frá okkur varðandi mótið.

Einnig vil ég hvetja ykkur til að benda nýjum liðum á að taka þátt í þessu skemmtilega móti eða senda okkur ábendingu um aðila sem ekki hafa tekið þátt áður.

Nánari upplýsingar má fá á www.blak.is.

f.h. Blakdeildar KA,    

Haukur F. Valtýsson,
Blaköldungur,
vs:462 7070,
hs: 462 7383,
oldungur@blak.is.